蒂拉諾的雪糕

　　Tirano（蒂拉諾）位處意大利北部，從米蘭乘火車兩個半小時，途經科莫湖，與瑞士接壤，風景優美。

　　點解要去到咁遠，因為要乘Bernina Express往瑞士的St. Moritz（聖莫里茲），這裏正是這條著名火車線的起點。

　　今年（2025年）旅行日期提早了，改為四月出發，本來想避開旅遊旺季，誰料正碰上復活節，這樣也好，可以在當地聖堂參與彌撒。

　　復活節當天彌撒完畢，走到街上行人都唔多個，想去超級市場購買食物，點知休息，附近餐廳門前貼出告示，寫明下午二時後休息，這時已到了中午十二時，咁今晚應該點算好呢？

　　行去火車站的另一邊，大部分鋪頭都已關門，遊客亦早已搭火車遊覽，前面只有一間雪糕店開門，因為主要做遊客生意。

　　3.5歐元一杯兩個至愛雪糕球，正準備坐在街上的長櫈慢慢嘆，抬頭一看，幾個數目字，究竟係咩意思？

　　唔會係巴士路線牌，這裏唔算大，無可能有咁多條巴士路線，一面食雪糕一面推敲，應該是一個路牌，但係為何沒有路名？再繼續想之際低頭一望，那塊石碑都好像寫上同一個數目，終於明白意大利人的做事方式。

　　唔係路牌，應是一塊地段的路碑，原本石碑上的數目褪色，於是豎一塊新牌，將來或會再爛的話更換也更容易。咁啱經過，影相留念。