溫布頓Wimbledon訪舊同事

　　一聽溫布頓，唔好以為去睇網球，的確這裏是同一個溫布頓，不過這天一早乘地鐵探望舊同事。

　　倫敦地鐵線有些複雜，唔係指人流而係路線，同一條綠線從起點站出發，到了某一個地點有分叉，終點站可以有兩個，上車時沒有留意，目的地自然在另一個方向。

　　要舉例的話，大概與將軍澳與日出康城及羅湖與落馬洲類似。

　　從倫敦地鐵地圖上搜索，列明從Paddington出發的地鐵可直達溫布頓，省卻了轉車的奔波，不過柏靈頓地鐵站（與火車站相連）頗大，建成已有一段歷史，通道較為狹窄，而綠線屬於區域線，溫布頓是Zone3區，票價比Zone1及2貴。

　　出發時避開了繁忙的上班時間，入閘的乘客較少，不過出閘趕返工的人非常多，這時班次亦稍疏，可是上車卻有座位，屬意料之外。

　　溫布頓近火車站附近頗為熱鬧，遊客不算多，難以想像在網球大賽時的擠擁情況。附近有個湖區，湖上亦有天鵝，遊覽網球俱樂部的同時，也帶備麵包餵天鵝。

　　幸運在湖邊碰到天鵝一家，帶同大細，大家一起渡過了一個愉快的下午。