夏令時間

　　鄉下婆睇「大鄉里快樂日記」，睇到2025年5月21日的〈記事簿〉其中「（1988年）4月16日在成都，乘火車往昆明。4月17日早上到達昆明，晚上轉車至下關（晚上撥快一小時）。」睇完後問阿豬，點解要在下關的晚上撥快一小時呢？

　　阿豬那時還未出世當然唔知道，於是問軍仔，可是軍仔同樣未出世，只能問當事人——即大鄉里喇。

　　點解？三十幾年前就快四十年前的事如何記得咁清楚，大概是夏令時間吧，但新中国實行過夏令時間嗎？

　　於是上維基百科找中國時區，原來在1986年至1991年實行過六年的夏令時間，「1986年至1991年，中華人民共和國在全國範圍實行六年夏時制，每年從4月中旬的第一個星期日2時整（北京時間）到9月中旬第一個星期日的凌晨2時整（北京夏令時）。除1986年因是實行夏時制的第一年，從5月4日開始到9月14日結束外，其它年份均按規定的時段施行。由於省電效果不抵需要適應時間的弊端，1992年4月5日後不再實行。」（維基百科：中國時區）

　　其實新疆當年也有屬於新疆的時區，印象中新疆旅行時，每當購買長途巴士票或火車票時，售票員都會提醒票上是北京時間或是新疆時間，因為屬於與其實省份連接的交通多會使用北京時間（+8），而當地的巴士等，有時會用上新疆時間（+6），相差兩小時，一係太早唔係就太遲。

　　夏令時間好處是多點享受日光，壞處就是一年兩次改時間。