海鮮午餐

　　民宿附近有間菜市場，內裏除了各類食品的攤檔，包括蔬菜、水果、豬牛肉以及海產等，副食品亦多，甚至還有供應熟食的小餐廳，我們留意了其中一間，設在海產檔對面，供應以海鮮烹調為主的食物，價錢是我們所能接受，這天特地來這裏午膳。

　　義大利餐廳仍有特定營業時間，亦包括下午落場時段，未夠鐘係唔會接待，可以站在門外等，唔保證一定有位。

　　接近中午十二時，街市內唔算多人，開門營業的鋪頭也不多，偶然有個師奶入來買幾個番茄，熟食暫時只有一檔開門，幾個人買了小食站着，而海鮮餐廳有工作人員忙碌攞檯中，時間未到絕不會拉開圍欄，顧客只能在外面等待。

　　時間一到，侍應立刻換了笑臉，逐個替客人入座，初時只有三五檯約二十人左右，誰料過不了十分鐘，幾乎十五六張檯坐滿，想不到連中午都咁好生意。

　　我們點了吞拿魚沙律、海鮮意粉、炸鱈魚和一樽水，首先沙律，醬味惹味，加入少許義大利醋配麵包特別醒神。炸鱈魚肯定比英國弄得鬆軟，海鮮意粉有點鹹味，熱度剛好，我們不飲酒，所以飲水，1.5歐元一公斤價錢亦合理。對住海鮮檔，一面看着吞拿魚鱈魚八爪魚蝦貝殼一面品嘗海鮮，正是這裏的賣點。

　　唔好以為只有菜市場內十多張檯，原來還有露天座位，是日同樣滿座。