朱古力盒

　　朋友送來merci lovelies朱古力，放了幾日，終於有時間打開嘗試。

　　年輕時喜歡朱古力，太貴的牌子唔識，只知吉百利，一排剩朱古力，偶然當作一餐飯，當然唔係平日，而係旅行時的午餐。

　　那時唔算奢侈，出發前在背囊放兩排，以備過了食飯時間無飯開，可是多數都無咁嘅需要，旅行結束前無謂帶回，變成零食。

　　近年已少吃，更加少買，不過仍喜歡朱古力的濃厚奶味，含量高還帶苦。

　　這盒朱古力獨特之處，外表是一個八角型的紙盒，內有五種口味，多數唔會理咁多，打開就食，粒粒都係咁好味。

　　為何說設計獨特，因為打開後，內盒由一個八角型變成一個像糖果盒的盛器，多加利用亦可作為糖果盒，最後仍可當作垃圾盒，一物幾用。

　　這些設計相信只有外國才有，日本的包裝盒可以由一整張印刷而成，沒有一口釘或一張膠紙而摺成，雖已是很多年前已有，這多得印刷技術的進步。

　　維基百科在Merci (candy)條下註名，Merci在法文中是多謝的意思。