咁早返屋企做乜？

　　每次早下班，忠貞分子便會問：「咁早返屋企做乜？」
　　有一次乘的士回家，比平日早了一個小時，閒談間透露了這件事，忠貞分子又問：「咁早返屋企做乜？」　　
　　其實真係唔知做乜，早又如何？遲又如何？其實真係唔知應該做乜。早回家，還不是打開電視看無聊節目，又不會早點睡，結果可能比平明還遲睡。早回家，也可能打開電腦上網遊魂，結果又是天光才入睡，你話呀，咁早返屋企又做乜？
　　看齣電影又唔夠時間，看一個小時書又無精神（其實係唔夠眼），睇垃圾報紙不如早啲瞓，做家務？夜嗎嗎做乜鬼家務？計數又要開晒燈，沉思又無咁多嘢諗，返工就可以有錢搵，可是已經放咗工，又真係咁早返屋企都唔知做乜！