「幸福家庭」

　　接近傍晚時分，出門上班，候電梯時已聞其聲，還未清楚來源，電梯門打開，一家四口各站一角，見有人進來，個男人才將嬰兒車稍稍推向一旁。咁嘅環境，以為到咗富貴人家住所，無辦法唯有站在中間，心忖唔知點解這等中產家庭，為何不搬到半山豪宅居住，咁就可以有專用電梯，偏偏住係窮人住的地方？剛剛想到這裏，個女人（應該係阿媽）終於開口，立體聲前後左右響起。
　　阿媽：「B仔，今日去咗便便未？」
　　B仔：「未……未呀。」
　　阿媽：「都叫你食多D菜菜啦，姐姐無畀菜菜你食咩？」
　　B仔：「……」（掛住㩒個關門掣）
　　姐姐？個B仔得幾歲，仲有個姐姐？個女人又開聲。
　　阿媽：「阿B仔老竇，阿女今日有無便便呀？」
　　阿爸：「有呀，仲係爛爛地……」
　　阿媽：「咁就好囉，有無影相呀，可以share畀老爺奶奶阿爸阿媽舅父姑姐睇……」
　　好彩，這時電梯到達地下，立刻快步走出，和這些中產幸福家庭一起，咁鬼高質素，自覺有點自卑，再聽下去真係唔知點死！