投票

　　今天區議會選舉。
　　有人網上瘋傳建議投白票，也有人呼籲趕走爛仔黨。個人沒有甚麼意見，有得投票無理由投白票，頂多投廢票，至於爛仔壞人，這個更加無辦法，世界上總有壞人衰人，如果選票真的有用，只係希望選一個無咁壞。
　　美國總統只可連任一屆，即只能做兩屆。英國好像沒有期限，基本上五年一任，但又可提早大選，亦有黨內之爭，英國人早建立民主政制，雖然政績佳可以長久執政，但選民往往不容許，知道選票可監督政府，防範出現獨裁，因為政府絕不可靠、不可信任。
　　區議會當然不可相比，管地區事務地區也太小，只得一兩條街，代議政制也許如此。殖民地政府一向唔知搞乜，特區政府最好無選舉，所以更加唔知搞乜。
　　午飯時母親說午睡後才投票，本來投給誰都沒有關係，不過突然又說了一句：「無理由畀佢連任幾次，做咁耐都應該畀第二個做吓。」
　　「咁即係投邊個？」
　　「唔話你知，等你心思思。」
　　……
　　殖民地政府早去十四年，前朝遺風仍在。