只懂英文

　　單位茶水部設有垃圾桶，主要為方便處理可循環再用或較簡單又不污染的垃圾，清潔工人清理垃圾桶時容易揀選分類。另外後樓梯防火門外設有專門盛載飯盒之類的垃圾桶。
　　有一天，進茶水部洗杯，碰見清潔阿姐，連忙打招呼，誰料阿姐即刻呻幾句：「都唔知點解，幾層樓中只得呢層啲人將吃完啲飯盒放入茶水部的垃圾桶，搞到一日倒幾次都唔掂，弄濕晒其他垃圾。」
　　「可能貪方便……」
　　「係呀，於是叫行政部貼張圖文並茂的告示，點知都係無用。」
　　「可能唔識睇中文……」
　　「我都知，所以已經畫埋圖。咁都唔識睇？」
　　「可能圖都唔識睇……」
　　「下次寫張英文嘅，仲唔識睇。」
　　應該識睇，因為這層工作的人話晒絕大部分都係高級知識分子，中文可以唔識，圖畫可以唔識，英文一定識。