數碼收音機

　　根據維基百科資料和記憶，大概在二零零八年，特區政府公布將會推行聲音數碼廣播，當時除了鄭經翰的雄濤廣播申請，商業電台亦有入標，中標與否未待公布，商業電台已宣布退出數碼廣播，當時只有雄濤獲得牌照。初時雄濤宣布，推出數碼廣播之時，會向部分聽眾送出可聽數碼廣播的收音機，亦會自行生產收音機低價出售等。
　　為甚麼要數碼廣播？除了訊號接收良好，音質亦比FM廣播更佳，更能感受立體聲。特區香港因為山多，高樓大廈亦多，很多地方未能接收AM廣播，雖然後來改用FM，改善了接收，但部分地方仍然接收不佳，不能收聽立體聲，亦有雜音。
　　無論當初宣傳數碼廣播有甚麼好，接收好音質佳，但一睇由DBC開台時所送出或需要付錢購買的收音機（見圖），已經唔想聽。顏色唔吸引唔好講，但收音機是單機道，電池用3A，電線採用USB配插蘇，一睇這配置仲要一百五十元一部，大概知道DBC唔多想搞數碼廣播，因為部收音機未入流。
　　想當年，開始FM廣播時，商業電台和香港電台立刻推出音樂節目，市面有大批立體聲收音機出售，連高級音響也配備接收AM/FM電台的調諧器推出市場，一時間聽眾大增，捧紅多少個電台DJ，幾多歌手。想不到轉為數碼廣播，那部收音機竟然可以是單聲道，仲要想聽數碼廣播，必定選用，還要用錢購買。結果唔使講，蝕本之時扮被迫害，騙得大眾支持收回錢後話之你。
　　唔去研究大眾聽收音機的模式，一般都係一面工作或休息一面聽，隨便一部一百幾拾的收音機便可，乾濕電兩用，以前還可附錄音帶，用乾電亦可聽三兩個星期，接收良好時音質不會太差。但由DBC所生產的數碼收音機，根本就是欺騙，大陸製造，品質之差單從顏色（用廢膠）已經知道，單聲道喇叭細音質肯定差。為何會是USD線配插蘇？早期他會說USB線可以插電腦，但用得電腦又怎會聽收音機，除非電腦未能上網。
　　由買這部收音機，個插蘇用得次已經斷了插腳，要另配一個。插在收音機條電線拔得幾拔會面層膠脫落，用四粒3A電，聽唔夠一個鐘無電，如此產品，無人去消費者委員會投訴算萬幸。
　　其實當初一見商業電台退出數碼廣播，大概知道電台聽眾正在減少，雖然仍有人收聽，但肯定不會增加。就算在二零零八年時，世界早是網上時代，無論聽與睇都來自上網，為甚麼再要買一部專用收音機？除非喜歡聽粵曲或潮州音樂除外。
　　工欲善其事，必先利其器。鄭經翰不明白此道理，以為靠把聲吹就掂，結果全港市民受罪。