虛假的世界

　　最近希臘債務違約。希臘借了債唔還，仲要較富有的歐洲國家救濟，世界上有這樣事情都有。話晒希臘是現代文明的發源地，如今不還債，更要賴債。其他歐洲國家如何看希臘？雖然大家都知個個先使未來錢，但有事無可能唔認，最多大家坐低唔掂講到掂，但你一賴債，人家會覺得你係無賴，有心唔還，結果本來從好處看也會變得樣樣事都係壞，咁以後唔使再傾，有甚麼事都係用戰爭解決。
　　歐盟和歐元是否一定完美？當然唔會個個都係咁諗。例如英國可以加入歐盟，但不會加入歐元區，同樣北歐幾個國家都是如此。加入歐盟無問題，可是個個國家的經濟有異，怎可能一同使歐元，德國法國飲一杯咖啡，無可能等同希臘飲一杯，因為大家的生產力不同，所產生的幣值也不同，同是兩三歐元一杯咖啡，你在德國法國飲，有個德國仔法國仔招待，你自然覺得物有所值，但當去到希臘同樣一杯咖啡，見到周圍無生氣，就算係一歐元都覺貴。
　　最近三幾日中港股市大起大跌，中國共產黨終於知道自己係神，股市只可以升唔可以跌，無論用甚麼方法，總之係升，這叫甚麼暴力救市。
　　如果咁都得，以後還搞甚麼股市，你喜歡話乜就乜啦，股市都無用，做生意更無用，以後大家聽聽話話，由神喜歡做甚麼我們就做甚麼，這個世界都話係欺騙的世界，虛假的世界係無錯嘅。