睇醫生

　　天氣炎熱，反而容易患上感冒，感冒有多種，有些只有鼻水鼻塞，有些連帶咳嗽，最嚴重幾種病徵都有，包括發燒。為免傳染別人，於是在徵狀初期立刻打電話預約睇醫生。
　　現時政府診所全都以電話預約，有籌無籌一目了然，又有應診時間，只要在之前五至十分鐘到達便可，一切有了預算，大概連取藥約一個小時，和睇私家醫生沒有多大分別，不過始終睇政府醫生的人多，而且多是老年人和長期病患者，每當遇上流感高峰期或流行病肆虐，一般較難打通電話，必須配合時間行事才能幸運預約。
　　這次預約了應診時間在下午二時半，籌號第八，約二時二十分來到香港仔賽馬會診所，在門前排隊繳了掛號費，拿著掛號單來到四號房前，只見熒幕才亮著第三號，即還有五個人才到自己，於是找一個偏遠的座位坐下，心忖起碼尚要等待近半小時。
　　過了約五分鐘，見一名女士來到附近坐下，初時以為她是五六七號，因為再過多五分鐘左右，這名女士開始和旁邊的人交談，說這名醫生都唔知點解睇一個病人可以睇咁耐，如果個個都用十分鐘，一個鐘頭都未輪到佢咁話。好奇之下，於是偷偷看她拿在手中的掛號單，才知她編號十八，時間寫著三時十分。
　　都唔知有無搞錯，如今才二時三十五分，你早了半個多小時到來阻頭阻勢，根本有排都未到你，但為何會說這個醫生診症耐？況且診症耐這句話毫無邏輯可言，醫生醫治病人莫非要有時間限制？如果有，幾耐才算合標準？如果無，耐唔耐根本不成立。難道睇得快為之好醫生？睇得耐就是衰醫生？沒有這個道理吧。
　　跟著她又向旁邊的人講一個故事，話說上一次有一個病人又係睇這個醫生，等咗成個鐘頭先有得睇，跟著攞藥又等半個鐘，因為要趕返工，幾乎大鬧診所咁話。
　　所以話一些未開化的人千祈唔好同佢有任何眼神接觸，既然有病睇得醫生，咁仲返咩工？難道以為睇私家醫生唔使等？站在病人的角度，醫生睇得仔細不值得稱讚嗎？難道馬馬虎虎問問有無鼻水有無咳有無發燒便開藥？
　　以前香港還是殖民地時是一個未完全開化的地方至今仍有很多未開化的人，如今多了一批甚麼都講集體的大媽大叔，幸好香港雖成了特區，醫療大部分暫仍跟隨英治時期的制度，未必完善也未必能令人滿意，但起碼不用擔心要封紅包才能睇到醫生。