換諜者（Bridge of Spies）

　　睇換諜者並不在戲院，而是在網上，如果個個觀眾都係咁，電影公司肯定全部執笠。不過話說回來，初時都想過去戲院睇，後來無意中在網上見到，於是分開兩天睇完。也正因為網上睇，唔會太專注，於是想再睇清楚某幾場，再上網時已找不到該網頁，相信因為侵犯版權已被刪除，所以以後想睇好電影，最好都係先去電影院，想再慢慢欣賞，之後才睇電視。
　　值得注意電影由高安兄弟編劇，根據真人真事改編，史匹堡想拍出色電影，但對他來說拍電影實在太熟練，一切已掌握，似乎找不到驚喜，不過電影中仍有很多事情正是想向觀眾說明內裏的意義。
　　得到尊重並不講富有，決鬥講公平，並不因你是敵人而放棄規則，雖然對待萬惡不赦的人無謂浪費時間，但如果仍有價值，不妨留有一手。
　　講價還要講自信，既然道理在你一方，那個學生根本就是無辜，為何不來一個順水搬舟。
　　正確的一方講信任，邪惡一方永遠猜疑，從兩個被捕的人回國後所得到的待遇可以看見正邪的分別。
　　無論怎樣，電影始終是娛樂，睇完電影再上網睇埋維基百科，如果再有興趣睇睇當年歷史，當中未必一定有真相，起碼能夠分辨今天的是非。
　　做人也是如此，只要認為所選擇是正確，毋須別人認同，也許要付上代價與犧牲，亦要勇往直前，始終會得到安慰。