請緊握扶手

　　住在港島，平日多數搭城巴新巴，間中會聽到廣播，「行車時請緊握扶手，確保安全」，本來沒有甚麼，只為提醒，也許有時次數多了點。
　　最近乘171過海，剛巧來了架九巴，上車找個位坐好，一心想靜靜欣賞街外風景。誰料車至加士居道，車上開始不停廣播，一時「……請緊握扶手」，一時「提提身邊朋友，行車時記得緊握扶手」，突然間有個男聲講幾句，之後有把女聲報站，接著有把男聲以不同句語提醒乘客要緊握扶手……
　　咁都唔緊要，都係為乘客安全著想，廣播多幾次無妨。誰料準備落車，由樓上一直緊握扶手至樓下，緊握扶手站在輪椅位附近等到站，這時一個乘客走前睇睇貼在樓梯附近的巴士路線表，那個司機立刻對這位乘客說：「前面到達北河街，請緊握扶手。」
　　那名乘客有點疑惑，因為見他也緊握扶手，司機似乎見到他的表情，於是開口解釋：「前面有彎位，如果突然停車的話，乘客可能企唔穩衝向車頭飛出車外，所以請緊握扶手。」
　　乘客乘坐巴士或其他交通工具，行車時注意自己安全本來是常識，運輸公司在廣播提醒無可口非，但以洗腦方式不停指示乘客要緊握扶手，係未現時搭巴士已成了一件危險的事，所以才不停叫乘客「緊握扶手」呢？
　　希望不是一個謎。