桂格麥片

　　逛超級市場，見一盒包裝盒破損的桂格麥片特價，於是買了回來。
　　明明印著原味，以為只得麥片的味道，即係無味無道，誰知沖水拌勻，吃落口才知有甜味。於是睇成份，除了燕麥，還包括糖、脫脂奶粉、鹽及其他添加劑和維他命，那麼這盒「原味」即沖燕麥片和一包裝的即沖麵片有無分別？
　　曾有一段日子，一星期大概有五餐都是以即沖燕麥片做晚餐，以六至八湯匙燕麥加入熱水便可，味道說得好聽就是麥片的味道，講真的話就是無味無道，間中加入少許鹹菜，以增加食慾。
　　聽聞食麥片可以降低膽固醇，能否有效沒有詳細研究，只是相信比食肉較好，對於缺少運動的人來說，或許可以安慰自己，但是一個星期食超過六至八餐，後果容易令人抑鬱，無病都以為自己有病。
　　做人不用太悲觀，換一個角度，每天出街食飯有時都唔知食乜，不如間中帶一個飯盒一個星期食幾餐麥片也不錯。
　　以前聽阿媽講「老人牌麥片」，唔知係未就是今天的桂格牌，初時聽桂格，還以為是「貴格」，小時候家中必備有病要食，出來工作後幾乎忘記了麥片這回事，直至注意健康時麥片又再出現在眼前。