原稿紙

　　唔知點解有張原稿紙，上面寫著「香港經濟日報」，但係沒有在那裏工作過，何以有張原稿紙呢？
　　終於想起，某一年為學習電腦，學堂要去報館參觀，一班人中午到達，全間報館只有植字部有人開工，隨手拿起幾張紙作記錄，無意留下了這張原稿紙。
　　以前用手拿起筆寫，今天都係用手寫，不過係用手指直接寫在熒幕，亦比讀書時寫得更多，如果那時咁勤力就好喇，唔使「中文字」寫得咁肉酸。
　　開始有了電腦和智能電話，紙已經變得唔多矜貴，好似垃圾一樣，更有「環保紙」這回事，如果咁重視紙，何會有環保紙？
　　張原稿紙早已變黃，除了回憶不知還有何價值，不如改為包裝紙，有機會買一份禮物以原稿紙包起來送給親戚朋友，不知有何回應。