寶礦力廣告

　　早年去大陸旅行，都會帶幾包寶礦力沖劑，聽聞可以補充體力，是否屬實唔清楚，只覺好過飲汽水。印象中還擁有一個寶礦力水樽，放入一包沖劑便可沖一壺，比白開水易入口。
　　後來唔知點解改名為寶礦力水特，沖劑包裝唔多見，反而多了樽裝，半升一升，在港較少飲，現時去旅行——因少去大陸——亦唔多見，所以沒有以前般常飲。
　　至於寶礦力——唔會叫寶礦力水特——廣告，以汗水陽光青春見稱，最近喜歡玩一鏡到底。荷李活電影有幾年也喜歡一鏡到底，中間有無剪接唔知道，但寶礦力廣告中的熱血感染著周圍，這種製作方式相信只有日本人才做得到，無得抄襲。
　　值得注意，日本人也有集體做傻事的本質，不過他們段數高得太多，唔可以比較。至於日本人道歉，他們只為帶來不便道歉，千祈唔好誤會。
　　一鏡到底還有製作特輯。