細鱗

　　早上經過香港仔海傍，小艇上有多種游水魚，其中一盆有數條，初時唔知咩魚，後來有人問幾錢，艇家答五蚊兩，秤了一條六十元即約十二兩，大小正好，於是也叫艇家秤一條，這條略輕只有十兩，五十元成交。

　　等劏期間問這是甚麼魚，答曰「細鱗」。之後沒有再詳細問，因為中秋前夕買魚的人甚多，再加上本土遊客，問題甚多也不好意思阻住，付錢等劏魚。這時聽到有位女士問她的友人：「這裏是不是香港仔。」

　　細鱗有多種，自己也不懂得如何細分，首先認識就係指魚鱗細，其他再細分名稱，魚檔與學術名字有分別，只知游緊水所以買來試試。

　　這條細鱗肉質幼細較滑，容易入口，新鮮確係唔同，細嚼帶鮮甜。貓仔喜歡結實與分明，所以下次要買其他再試。