置地廣場睇畫

　　早幾日鄉下婆睇到立場新聞報道，中環置地廣場有一個地下博物館，展出部分以紙板作畫，亦有部分以名畫再創作，也有展出獅身人面像現代版。

　　這天決定一早出發，參觀這間地下博物館，展期由六月十九日起，至八月一日。

　　當代藝術十分主觀，較為喜歡埃及這個角落，以紙板仿做一個圖坦卡門的金面具，用另一種物料表達。

　　至於英女王這一幅，睇你點睇。對英國來說，脫歐應是一件好事。現時世界上「精英」實在太多，容易圍爐取暖，變成一個只有精英的世界。

　　仿復活島的石人頭，實物不知是否真係咁大，如果係，還是繼續豎立在那裏更好，無必要一定要去睇清楚。而這個配合場地大小而設的仿石頭，放在中間非常吸引。

　　連守衛的武器通訊器材和牆上的閉路鏡頭都用上紙板，紙這樣嘢，與文明係幾咁重要。