豐富早餐

　　這天乘中午十二時四十五分的飛機，從里斯本飛倫敦，然後轉乘晚上九時出發的飛機返回特區香港。

　　一早起來，外出太趕，兼下著毛毛雨，也沒有這個動力，選擇遲了一點才食早餐，上機前可買一點小食當作午餐，早餐自然要吃得豐富一點，坐在餐廳的時間也悠閒。

　　連鎖旅店的早餐除了款式較多，最喜歡則是麵包，配上平時很少伴著一起吃的芝士牛油果醬，甚至加幾片青瓜火腿，願意花點心思還可將雞蛋與水牛芝士搓成芝味醬，塗在麵包上十分美味，這些都只在旅行時才會這樣做，平日多數一塊麵包一杯咖啡便算，間中夾塊芝士，搽牛油果醬屬偶然的事，真係連食也懶。

　　記得以前跟團去偉大祖國旅行，團友中總有幾個在早餐後喜歡拿幾個蘋果橙甚至雞蛋饅頭之類，說在長途車時可以有得食，但係從來都唔見有人食，結果多數浪費。今次我們也拿了個柑，唔係一陣搭飛機時食，而係臨離開旅館時先食，無謂攞多一個柑。

　　除了咖啡之外，今天還可以飲多杯橙汁。兩隻怪物無你咁好氣，既然時間充裕，擺多幾個姿勢坐多陣。