上機

　　英國人很狡猾，成日話自己大愛包容，又LGBT，最近仲加個Q成LGBTQ，再遲多一年半載，可能廿六個字母都唔夠用，亦開始懷疑自己。

　　回望一下歷史，羅馬帝國時代已經唔少LGBT，問問英國人自己，幾乎大部分都係LGBT，有無歧視問佢哋自己最清楚。如果有睇過改編自勒卡雷的間諜小說「諜網謎蹤」，內裏個個差不多都係LGBT。

　　雖然坐維珍航空來回英國之間，臨近登機時，特別請來一位黑人經理出來招呼大批貴賓，以比較大聲的語氣著眾人手持護照及機票，然後排隊檢查入閘。見個個藍色封面更大聲指示除下口罩給職員對照容貌，剛巧有數個乘客手持紅色封面，語氣立刻轉為溫和。

　　這種對待貴賓乘客的方法的確有一手，相信只有英帝才想得出，因為當時除了回特區香港的乘客戴上口罩外，其他外國人無一這樣做，便知如不狡猾一點，真係天光都未上齊機。

　　維珍航機夠新，內裏燈光非常迷幻，又紫又紅仲要夠黑，正好可以一坐好就扮瞓，直到空中小姐送來一包糖及可樂才回過神來，恐慌重現，又要返回蠻荒。