8801

　　返回粉嶺，見架8801停在站後，相信一會以特別班次從這裏開出。

　　歐洲巴士司機位多數有個咪，有時唔知用來做啥，後來有機會見過司機使用。

　　一次在意大利，從羅馬坐長途巴士往西耶娜。巴士約行了三個小時，來到不知名的地方停下，巴士司機終於開咪，告訴乘客到了甚麼地方，即真人報站系統。

　　另一次在特區香港，這次是城巴。收工時間全車爆滿，站在車頭位置，突然間見司機伸手把咪拿在手裏，然後講「著紅色T恤位先生唔好企係樓上，唔該落返嚟。」結果當然乖乖落嚟。

　　點解唔見司機開掣就可廣播？原來放左腳的位置前方有一個踏掣，用腳踏住便能開咪，即也可一面開車一面廣播。