雜菜湯

　　一向少煲老火湯，主要怕麻煩要睇火，煲一個小時至個半小時還可以接受，超過兩小時唔好搞。

　　於是學鬼佬煲湯，雜菜湯最容易。

　　其實鬼佬都有煲幾個鐘的湯，仲要用柴火，聽見都暈。

　　雜菜湯係齋，阿豬最喜歡。把西芹洋葱隨意切，未加水前爆爆洋葱，然後加水加罐意大利蕃茄，之前剩了半罐粟米也一起放入，慢火煮大半個鐘即成。

　　點解煲咁耐？中間要洗米煮飯，然後蒸碟餸，就這樣一餸一湯就是一餐晚飯，想起又覺肚餓。