雞絲通粉

　　以大鄉里之懶，如何解決中午飯？

　　雪櫃有星期日煲雞湯剩下的半隻雞，鄉下婆早將雞胸變成手撕雞。

　　開罐忌廉雞湯做湯底，急凍櫃中有鬼佬的「蔬菜包」，另還有一桶扭扭通粉。

　　咁就簡單，先煮通粉八成熟，再用部分湯水加入忌廉雞湯，煲滾後加入蔬菜急凍蝦和雞絲，再滾起加入通粉拌勻即可。

　　盛入碗中，上面把雞絲放靚，連母親都讚好味道。

　　可是今餐唔係大鄉里負責，而是鄉下婆出手，難怪連顏色也有襯托。