奇人異士

　　星期日掃墓，來到筲箕灣巴士總站等389上歌連臣角。

　　巴士站已排了二三百人，巴士一到乘客魚貫上車，但上了三四十人後人龍停了下來，為何如此？

　　原來龍頭位置有乘客說還在等人，所以暫不上車。亦有乘客話無位坐所以亦不上車，於是一輛可載超過八十人的巴士只得四十個乘客便開出了。

　　唔等得咁耐，第二架來到，就算企位都要上車，反正從筲箕灣上山也不過十幾分鐘，等一班差唔多十五分鐘。

　　這班車結果也得三四十上車便停了下來，唔理咁多，從龍後行至前面準備上車。這時站長過來說因為塞車，下一班要等超過二十分鐘。這樣一說，前面的人驚死無位改為立刻上車，並說後面上來的人唔好打尖。

　　排前面的人要上車時不上，待後面的人上車又說別人打尖，還說點解無人維持秩序。

　　而另外有人真的無排隊，站在巴士旁問有無位。真正排隊的人都上唔到，為何可以給無排隊的人上車呢？

　　巴士站排隊的地方本來無等候區，但甚多人在這裏要等齊人才願意上車。巴士樓上有甚多座位，但是有人卻說無座位唔上車等等，反而將製造混亂的責任推向別人身上。

　　幾時香港變成這樣？近來返工放工多數搭巴士，見得奇人異士太多，慢慢說。

　　或許要和大陸拉近距離吧。