晚餐

　　從前經常聽人講，歐洲人食晚飯要幾個鐘。

　　以前或者係，今天除了有錢有閒情的人外，相信無幾多個食餐飯食幾個鐘，宴會除外。

　　法國人唔知，意大利豐儉由人，可以去間餐廳大吃大喝，又紅酒又白酒，但係對於自助遊的遊客來說，邊有咁多時間。

　　來到意大利，可以簡單食個薄餅，叫碟意粉也可，飲唔飲酒隨個人喜歡。我們不會飲酒，但係為了入鄉隨俗，多數都會點支礦泉水，而旅程最後一晚，偶然亦會飲杯紅酒，亦多數飲唔晒。

　　意粉有很多種，每個地方也不同，例如熱那亞是青醬，巴里係貓耳朵等，我們喜歡扁意粉，如果有海鮮供應，可以點海鮮意粉，大多都有水準。

　　這晚我們點了一個齋意粉和青口和蜆燴意粉，兩個人各食一半，可以試齊兩種味道。

　　意粉雖然好味，但也要注意，因為容易入口，食時要慢亦要足夠咀嚼，不然過飽難於消化。