H1C

　　城巴四十五週年，特別開辦了一條稱為「遊歷派對」的H1C。

　　本來稱為「人力車觀光巴士」，至現在合併成一間城巴，結果改為「觀光城巴」。

　　點解唔繼續用「人加車觀光巴士」？或許將上層的車尾部分加裝個人力車的開篷比較麻煩，現時則全部改為半開篷式設計，更為簡潔。

　　H1C只開辧至八月十一日，最後一天專程來到天星碼頭排隊，主要為了沿途欣賞宣傳的城巴發蹟地，其實最主要係順路返屋企。

　　排隊的人不算多，那些巴膠比遊客更踴躍，又影相又要登上上層，我們兩個無咁笨，巴士日日搭，開篷與否唔係重要考慮，最緊要快。

　　以收費$41.8計算，不可說太貴，但肯定不廉宜，幸好有廢老$2收費，時間配合又順路的話，得閒可以搭多幾次。臨近傍晚，途經西環時被稱為「日落飛車」，至於能否見日落唔多清楚，只知日日收工經過鴨脷洲橋都會見日落。

　　偶然晚上見H1或H2都滿座，以每程五十個乘客計，一程成兩千幾銀收入，比市區線還要好賺，怪不得城巴現時唔多願意開市區線，把資源調配至開篷巴士和口岸線，而市區線非繁忙時間要成半個鐘頭一班，真係等到火滾。