自細已經聽阿媽講應用得用，如果真的能應用得用，那麼環保應從何說起？
聽聞今屆巴黎奧運搞咩環保運動會，選手邨唔裝冷氣，連張床都係用環保物料製成，話可以循環再造喎。
關於循環再造或再用，想起了一件舊事。退休前在一間文化機構工作，那位管理大員十分環保，見列印出來的單面白紙丟了可惜，說可以循環再用，於是吩咐助理把原本準備當廢紙的A4紙逐張檢查，找出可以列印在背面即空白一面出來，然後弄整齊放在影印機旁，鼓勵同事繼續使用。
實行時反應良好，由管理大員親自示範，喜歡上進的同事特別喜歡使用環保紙用來影印，結果發現影印機經常「食」紙，但係又無人跟手尾。過了不久，個個都放棄以環保紙再影印，因為容易「食」紙及容易分不清底面，如再印在已印的一面有之，出來效果不佳再印又有，環保的結果可能省了幾張紙，可是碳粉及機器損耗如何計算？
而更有人喜歡本來印一份的文件，卻選擇印兩份至三四份出來，以防丟失，還大條道理話印多唔緊要，可以循環再用云云。
想環保，唔搞大肆鋪張便可，因為鋪張必然浪費，那麼如何環保？
四小時的開幕式，唔知想講啲乜，幸好無花時間睇，也幸好無睇，法國人識講唔識做，環保係應用得用，裝冷氣係可以唔開，同樣唔食咁多肉亦唔一定環保，法國人亦係最喜歡把農產品和牛奶倒入河中以保持價格，這樣的環保又應從何說起？
當工廠化生產流水作業，已無環保可言，法國生產咁多消費品，又如何講環保？阿豬聽後都好唔明白。
法國人亦善忘，忘記了某本漫畫周刊所發生的事。至於法國人的大愛包容，更唔知點講，細細個已聽聞在法國如以英語詢問，法國人係不會理啋和會以法語回答，那麼他們如何大愛包容呢！
如果咁唔喜歡，法國點解唔拆去巴黎聖母院和聖心教堂？
因無睇過唔講開幕，附篇文章及新聞報道。
沒有留言:
張貼留言