發蹟地

　　H1C途經香港仔隧道，巴士上有介紹，還說到以前曾經有一個不為人知的「神秘山洞實驗室」。

　　雖然自從南港島地鐵線開通，對於巴士的經營有很大影響，可是當中仍有競爭，如果自動投降，看不到前景，認為乘客量不會再增長，巴士公司因而放棄，那麼應該怎樣看對於城巴來說這個南區發蹟地呢？

　　搭巴士時，阿豬口中唸唸有詞，對住熒幕播出介紹鴨脷洲，手握拳頭，幾乎想打爆部電視。

　　「又話係發蹟地，可惜早已忘記了初衷。96號呢？取消！94號、94X呢？無埋！91號仲要上利東。90及97，有車時約20至25分鐘一班，無車時隨時超過半個鐘一班，近乎放棄。171過海以前係線王，如今十五至二十分鐘一班，99要落去堅拿道西，都唔知點設計。連最有競爭能力的592，非繁忙時亦要12至15分鐘，剛好與地鐵的到達時間相同，就算繁忙時間亦要八至十分鐘。

　　地鐵出銅鑼灣要轉車，很多時候都沒有座位，592座位選擇多，巴士公司亦要舉起雙手投降，那麼如何爭取乘客改搭巴士？

　　難怪阿豬妹仔發脾氣，初心初衷？鴨脷洲係全世界第二最多人居住的小島？甚麼發蹟地？好似粵語長片一樣，一朝發達後已經唔再記得當初了。