白牆——盧國沾填詞

　　雖說盧國沾作詞，但作曲與主唱是曾路得，編曲則是翁家齊。

　　勵志歌曲永遠受歡迎，日本長年都是勵志，走彎路唔緊要，不走歪路就是。

　　聽曾路得應由六啤半開始，後來的《驟雨中的陽光》無所謂喜唔喜歡，還有一首《風裏的繽紛》來自電影《文仔的肥皂泡》，由前足球員張國強主演，可惜無睇過電影，大概當年無乜零用錢。還有改編日本歌的《你知我知》，仲有《風箏》。

　　點解較喜歡《白牆》，年輕時就係咁，走了彎路也走了冤枉路，走得比較辛苦，也走得比別人遠，到頭來都係得個吉。

　　真係得個吉？

　　回頭一睇，白牆也充滿了色彩，那一片就是屬於自己的，會有零亂的彎直線，也曾抹過汗，亦曾用盡力為畫牆，沒有人明白也好，當自己再望清楚時，其實已經走遠，那些崎嶇那些損傷都留在記憶裏，早當作了鼓勵。