某年路過拉斯佩齊亞，位於五漁村火車的起點或是終點，亦是意大利重要軍事港口。
行山路行到對鞋開始爛，經過鞋鋪入內搵一對，無意中見一對波鞋款的皮鞋，於是入內試穿，老闆娘找來合適尺寸，準備穿時一睇，內裏雞乸咁大隻字印上「MADE IN ITALY」，心中一喜想也沒想立刻買下。
一向都知道意大利皮鞋全世界出名，可惜後來唔知邊年開始，有大批人從沿海東部——當然唔係歐洲——移入，意大利皮鞋業也開始沒落。不過唔緊要，既然印得「MADE IN ITALY」應該是意大利製造吧。
妹仔絕對唔會信。
又過了幾年，要買一隻易潔鑊，這次印上「MADE IN ITALY」的字細很多，鄉下婆雖然有多少懷疑，上網一查的確有這個牌子，一定屬意大利吧，至於製造存疑算了。
前幾天需要買一個地拖頭，路經雜貨鋪，外面擺放幾個地拖頭，其中一款竟然又係大大隻字印上「MADE IN ITALY」，仲有意大利國旗，仲有錯？無理由連個十幾廿蚊的東西都要假冒，無理由吧！
於是又上網查，牌子查唔到，可是淘寶卻有售，28元人民幣一個（約31至32元港幣）。經此一查，妹仔發現了一件事，雖然查唔到這個POLATEX是否真的由意大利製造，但係知道淘寶貨唔一定係平過特區香港所購買，因為這個在雜貨鋪買回來的地拖頭，只售港幣22元，比淘寶貨便宜接近十元港幣。
以常識看，印到咁大隻字，真的機會很低，至於點解連一個十幾廿蚊的地拖頭要標明意大利製造，真係一個謎。
沒有留言:
張貼留言