咩世界

　　有日聽電台節目，有聽眾問到，如果在中國，有三代人連續當礦工而不絕後者，是不是可以申請列入健力士世界紀錄大全。
　　真係唔知笑好定喊好。
　　話說現時的甚麼健力士世界紀錄大全呀，甚麼米芝蓮呀，甚麼世界文化遺產，甚麼富豪榜呀之類，都唔知係未用來搵那些自稱發展中國家的暴發戶笨，最難得的是那些人最受落。
　　以前唔知，以為這些排名是由那間機構免費排名，及後才清楚明白，那些健力士、米芝蓮、世遺等等全部都要用錢申請的，而申請批核時間有長有短，短則一年半載，長則三五七年，但係最抵死的是，如果想加快冠名，只要將申請費用加倍或加數倍便可，愈加得多錢愈快，真係唔知呢個係咩世界。