三亞行之到達（五月廿一日至廿四日）

　　香港航空和香港快運有甚麼分別唔係幾清楚，大概係姊妹公司，商標唔同，同是採用二手飛機。上次乘香港快運往沖繩，飛機內部較舊，今趟飛海南三亞，內部改善了很多，起碼不是磨蝕見底的坐椅。

　　以前曾有人這樣形容國泰航空，話個座位都未凍第二批客人已登機來嘲諷國泰飛行之頻密。在候機大樓所見，香港航空也不遑多讓，剛見飛機停定，又落行李貨物又上行李貨物，約一個小時的停泊時間肯定不能完成所有降落後與起飛前的程序，誤點似乎是這些航空公司的弊病，改善較難，只希望不要等候太長時間。

　　從香港飛三亞航程約一小時十分，如此短時間航空公司不會供應餐飲，只供應小食。餐飲或小食都是我們的至愛，問題是自從機場實施不能攜帶液體進入安全檢查區，即是約有一至兩小時沒有水供應，雖說候機大樓有水供飲用，但味道往往怪怪的，付鈔買樽礦泉水又唔知買大定買細好，加上無所事事歎一兩個鐘頭冷氣，手乾口乾，最想係飲水，奈何飛機起飛後十五分鐘只供應一百毫升的蒸餾水，真係連飲三杯都唔夠。

　　這個小點雞肉餡包味道不俗，包的外層鬆軟兼熱騰騰，雞肉清淡恰到好處，一個又唔係幾夠，但又唔好意思食兩個。食完個包，飲完兩杯水一杯茶，轉眼三亞在望，開始展開四天渡假行程。