重播

　　又要早起等送機，收拾執到瘟瘟沌，搞足一日，晚上回到家中嘆完涼粉沖完涼，躺在沙發上胡亂按電視頻道，剛轉到亞洲電視正在選亞姐，立刻醒神，又泳衣又美女目不暇給，速速擺好陣勢又薯片又可樂坐定定唔好蝕底，一於眼吃冰琪琳消消暑。
　　看了半個鐘，見個個都唔識，於是入雜物房找來昨天的免費報紙，看看有甚麼大熱次熱，起碼都知何名何姓，但找來找去都唔見有報道，莫非亞視選美活動無人報道？
　　剛好鄉下婆公園跑步回來，向她問問選美情況，誰料：「你係未食懵咗，見唔見右上角字幕寫著『2010年亞洲小姐選舉』，一年前的事現在才問。」
　　退後時薯片碰滿一地，幾乎打翻可樂，唔係卦，黃金時間重播上年選美節目？