必備條件

 　對於日漸國產化的單位，行事標準與別不同。
　　以前做得快又做得好，跟著可以做得多。多有乜緊要，最緊要有得快兼做好。
　　今天多已經唔使講，但係方法有變，高手係將原本又快又好約一個多小時的工作，化成四至五小時才完成，這等高難度動作，唔係普通人所能做到，必然係一些忠貞分子才有的工作態度。
　　至於係未好？唔知。
　　另一種係永遠都扮忙，別人去食飯，佢繼續做，全單位去飲，佢繼續做，個個休息，佢繼續做，仲要加快做，日日工作係咁多，還要提早回來做，這等人才的確好難搵，唔怪得受單位重用，日子有功，成了忠貞分子。
　　你係忠貞分子，本來沒有人介意，但係忠貞分子永遠懷疑別人不是忠貞分子，對一些未係忠貞分子的新丁總喜歡曉以大義，又話外面風大雨大，世途險惡，做生不如做熟（這句話根本無邏輯），難道忠貞分子要係額頭鑿「忠貞分子」幾個字才可做得長？
　　講多無謂，想做國產單位的忠貞分子，必備以上所說條件。