免費報紙

　　母親早起，出外晨運時經過管理處，除了英文報外，每天都拿幾份免費報紙回家慢慢閱讀。
　　初時期得兩份，其中一份特別厚，初時剪印花有禮品，所以最多人索取，未必天天可以拿得到。另一份雖然薄了點，不過印刷清晰，專欄充實。
　　後來增加幾份，一份喜歡扮有料，可惜搖風擺柳，兩頭唔到岸，母親見到都唔要。另一份開始時抱著四十年前的模式，後來改邪似乎歸唔到正，勝在敢表態。
　　睇報紙睇咗幾十年，誰親中誰扮中立，由一九九七年七月一日開始，報紙根本已經唔使睇，如今有免費報紙，無非都係看看廣告，和略為知道外國新聞，如果想知詳細，倒不如上網。
　　怪不得陶傑在二零一二年十一月二十八日那晚的光明頂，突然有感而發（留意由28:50開始），哀特區報紙已死，話要花八元買份垃圾報紙，倒不如睇免費報。
　　沒有錯，今天的收費報紙，中國新聞抄大陸網站，外國新聞抄BBCCNN，立論閃閃縮縮，明暗討好新中國，咁嘅垃圾，由得去死，不睇也罷。