浪費

　　聖誕節假期下午拍攝了兩小時巴士，經過香港仔海濱公園近逸港居的的士站，可以近距離拍攝原本的花槽已重新鋪磚，現在又用電鑿拆去。
　　現時特區政府就是這樣，因為財政豐足，大型基建如火如荼，如西區南區沙中線地鐵火車，中環繞道，再大花金錢減低失業率，經濟高增長，營造繁華景象，全港十八區或十九區，每區派一億。有了一億元做甚麼好呢？終於想出拆完再起，起完再拆的方法來，花掉十幾二十億，有人有錢落袋，有人有工開，垃圾增加幾千噸，大家開心，多好。
　　明明地磚好地地，唔知點解三幾日全部剷起晒重鋪；明明花槽原有鮮花開得多燦爛，唔知點解三幾個星期改種唔知甚麼花；明明行人路很清潔就日日有人洗，街市油漬污漬滿佈又唔見有人理，真奇怪。
　　但係行人隧道的燈光昏暗又唔見會裝多幾支燈，何解？因為裝幾支燈花費不夠多。較清潔的街道有人洗，因為人多經過，可以做樣，無人理會的舊街暗角，就算洗乾淨都無人知呀。
　　講多無謂，只知浪費也是一種罪。