怪獸

　　星期六路過大會堂，見一架丹拿A型停在對出空地，打算上前拍照留念，誰知一行出大會堂，已見兩層鐵馬重重包圍，不能直接走近這輛古老巴士，先要繞一個大圈經過有保安員把守的入口，裏面再有一層鐵馬保護巴士，不讓任何人走近，免得損壞巴士，或是怕巴士會傷害遊人。
　　沒有留意這是甚麼展覽，毗鄰大會堂的展城館地下一層同時亦有展出巴士模型、巴士及街道屋邨模型及巴士行走香港的歷史。
　　一直沒有留意展城館的存在，大概知道曾經展出西九的將來模型，今天的展城館，真係唔去都沒有損失，閣樓給小朋友學習，有幾部機械需要維修，二樓的昔日香港，寥寥幾張照片加幾處舊模樣，如果不是有個露台，真係無興趣再上多一層。
　　戶外展覽巴士得一架，雖說是古董巴士，超過六十年，但係可唔可以展覽多一架兩架，看看比較。就算真係得一架，都無理由要重重用鐵馬包圍，如怪獸般驚部巴士會咬人，保護遊人不被傷害。
　　如果唔係，就係怕遊人參觀展覽時，一見架舊巴士，以為見到寶或可以令到生仔的豬一樣（菩薩都得），必定要走埋去摸摸，為免摸蝕部巴士，所以保護巴士的鐵馬才會圍得如此距離。
　　都唔知咁驚做乜，那架古董巴士別名烏嘴狗，如果叫特狗你就話驚啫……