打開張地圖，指一指南部說：「不如下一次去這裏。」靜了一靜，抬頭望一望，手指指一指西部說：「不如去那裏。」
不如搵一日去睇睇outlet，點解咁出名咁多人去？唔係幾好，都係想去盧卡，因為喜歡Lucca這個名字。
話喜歡米高安哲羅的憤怒，一起走上一段斜路時，上氣不接下氣，突然背後傳來「嘟嘟」兩聲，嚇了一跳，「喂，行得慢唔該唔好阻頭阻勢喎。」連忙提起精神，加快腳步。
已經滴緊汗，一時話跛喇，一時又問你個證件袋掛係邊，一時會話你件衫點解咁短。為了打發，給幾蚊去買雪糕，不夠十秒跑回來，「喂，唔好亂畀銅鈿，呢度唔使呢啲錢噃。」
一時話要三個鐘頭餵一次：「七點幾食早餐，十點幾飲杯茶，一點幾中午飯，三四點下午茶，七點幾晚餐，其餘時間可以食杯雪糕咬個牛角包冬甩都得嘅。」
會話食早餐時記得叫佢，坐定定又話要梳好個頭唔係失禮人……
都係唔好咁多事，多一事不如少一事。
係咩係咩。
