日落

　　「太陽下山明早依舊爬上來……」這是青春舞曲。
　　喜歡日出因為朝陽，喜歡日落因為遲暮，其實無乜根據，只因睇日落較容易，睇日出要早起。
　　等睇日出時會較沉默，好多時唔知睇唔睇到，等睇日落較多嘢講，因為大概估到，只欠個太陽夠唔夠圓，咁真係幾似人生。
　　有人說要追求長生不老，但無日落如何有日出？
　　初出生時以小時計，過了一日以日計，過了一個星期以星期計，過了一個月以月計，過了四個月以旬計，過了年開始以年計，然後逐年計，過了十年以幾個十年計，開始轉眼十年轉眼幾十年計，再而百年一世紀幾個世紀，轉眼一千年，三千年，五千年……
　　無論幾多天，無論幾多年，太陽依舊日出日落。