大鼻

　　之前知道麥嘜與麥兜，後來知多一個大鼻may，見到公仔才知係一隻牛。
　　艾特塔有三個象鼻，站在海灘右邊是小鼻，不是只得個鼻，簡直係一隻小象走到水中嬉水。左邊的中鼻稍具氣勢，連懸崖峭壁伸入海中，潮退時近岸處露出一片石地，佈滿海草與來不及逃出大海的小生物。
　　至於大鼻係邊呢？
　　左右都有登山路，被海鷗與回來的遊人吸引，於是朝中鼻走去，開始沿樓梯與斜路登上峭壁，飽覽整個海灣風景，回望艾特塔。
　　這裏的氣候變化不太清楚，只知網頁與海灘的告示版會貼上潮汐時間，行至高處風開始轉強勁，帶少許清涼，難得陽光從雲裏透出溫暖，每一個人都被明媚所吸引，臉上都掛著興奮的笑容，忘記了攀爬的吃力。
　　站懸崖邊遇上勁風本來有多少危險，如果膽識過人可以行在以鐵建成的通道，感受峭壁的高度，挑戰離地如海鷗般飛翔。
　　再走過小山丘，大鼻就在眼前，雖然外形唔多似，不過宏偉壯觀。旅遊書中介紹，明明可以走到大鼻腳底，點解唔見有路？