預言

　　一開始在網上見到這張照片時，沒有太留意編號，只覺得經過加工，因為數字一行太過清晰，加上近年個個喜歡自拍兼驚死無人知自己做緊乜，一張facebook照片有甚麼特別？
　　過了半天，有人說個編號有特別含意，於是上網找來看看，「D7689」除了689略知之外，還以為個選手驚咗個689，隨便看一眼便算。
　　許料第二天，這件可以上了報紙新聞，AM730PUMA相片惹爭議的報道中，將照片的「D7」打了格，內容更將「D7698」變成「XX689」，真係使唔使咁？
　　初時真係唔知「D7」原來另有含意，如今經報道，係人都知有特別意思，說出大部分人口中說話。至於話係有投訴，所以才會成了新聞。
　　咁就真係奇怪，如果拿「D7689」問大部分人，相信得回來的答案都是「D7689」，但問著一個身有屎或轉得快的人，相信一看便會明白，至於誰會想得出和誰會看得出，相信係同一類人。
　　本來就是一個玩笑，但有人當真，更要投訴，變成離事實也不遠，而報紙將相片打格改成「XX689」，可見特區香港那班人亦已全部歸邊。
　　或許將來有一日，如「清風不識字，何故亂翻書。」大興文字獄之時，D7不可見，黃傘不准撐，假作真時真亦假。
　　希望這預言不會成真。