晚餐

　　臨回到延文禮士，導遊兼司機向我們這班笨人介紹了幾間晚飯的餐廳，落車後路過兩間，未知是否時間尚早，只得三兩檯客，於是先回旅館放好隨身物品，然後再出來晚餐也未遲。
　　接近八時半，開始下起毛毛雨，再返回中心區，人影都唔見多個，個個都躲進了餐廳或酒吧，經過一間售賣或展覽古老打字機的鋪頭，曾經是一個時代的產品，今天雖然用了電腦，但鍵盤的操作仍以此為範本。
　　再過有一間城堡餐廳，見內裏有一檯客，於是推門入內，雖料一班侍應站在收銀櫃前大喊「Close」，我們說聲不好意思立刻退出，看來全部人都係等這檯客人食飽才收得工，猜測他們八時半放工，怪不得他們這麼緊張，萬一再有客，九點半都唔知走唔走得。
　　前面有間麥當勞，來到這裏，無理由食這些東西吧，於是繼續向火車站走去。這裏行人也不多，抬頭一間Filling Station連鎖店，餐牌上的食物都很大眾化，於是入內找兩個座位，然後點了薄餅和通粉。
　　唔識飲酒又唔想飲咖啡之類，蘇格蘭最好就是可以叫壺茶，可以暖身又消滯，這就是英國餐廳中最優勝的地方。十五分鐘後侍應送上薄餅和芝士通粉，一見份量，再看看周圍的人，怪不得個個都有一定份量，如果天天這樣吃下去，相信有機會和他們睇齊。