咩初幾？

　　特區香港中國人唔知點解總有點精神或人格分裂，例如和來自大陸的中國人一起，他或她會說自己是香港人，但是有外國人問起你是哪裏人時，心裏特然感到國家富強不禁熱淚盈眶，立刻肅立說自己是中國人。
　　外國人問你是哪裏人，很多時都係問你來自哪裏，你來自哪國國家他們沒有興趣。
　　臨近農曆新年，特區香港中國人又開始發病。因為有幾天假期所以特別忙碌，個個都趕著假期前做妥一切。前幾天開始有人這樣問：「幾時收爐？」「多數做到星期六。」
　　「咁幾時開工？」
　　「二月十一日。」
　　「即係初幾？」
　　「唔知。」
　　二月五日外出買點東西，中午去了一間古老茶餐廳海安咖啡室食午飯，又有人這樣問老闆娘：
　　「幾時收爐？」
　　「做埋今日。」
　　「幾時開工？」
　　「二月十八日」
　　「即係初幾？」
　　「唔知呀，總之二月十八日。」老闆娘這句話的語氣說得較重。
　　記得數年前五月天在某間高級知識分子機構做兼職時，有個打扮時尚的小姐吩咐完工作後突然間問：「端午節係幾時？」
　　隨口答她一句：「五月初五。」
　　她好像極不滿意，被她瞪了一眼。真係奇怪，端午唔係五月初五咩！
　　話你係中國人，全年就只有那幾天記得初幾；話你唔係中國人，每逢過時過節卻要回傳統，可是就只有那幾天。