哥頓賓士逝世

　　哥頓賓士在二月十二日逝世，他是少年時的足球偶像，也是從那時開始喜歡踢足球，而位置也喜歡當守門員。
　　那時守門員稱為「龍門」，唔知點解很多時會說成「龍盆」，每次有機會幾個細路在石屎球場組合成軍，個個人都喜歡上前踢，大部分人唔鍾意做龍門，自己唔夠人速度快，只好唔做後衛做龍門。
　　那時世界上的足球賽事不像今天場場直播，就算有轉播都係幾人日後的事，一九六六年一九七零年家中未有電視機，睇足球只有睇報紙上的文字及圖片，印象深刻就是賓士的飛撲救球，如貓一樣的靈活，那一刻成了賓士的代表作。
　　那時只知道一九六六年英格蘭奪得世界杯，一九七零年賓士救出比利的頭槌攻門，及後車禍受傷及退役時已外出工作，沒有太多留意足球新聞，但他的名字永留腦海，每講起守門員自然記得哥頓賓士。
　　現時當然方便得多，無論那時的足球片段今天都可網上重溫，包括救出比利的攻門。記憶中賓士也救出一記西德的射門，向後跳在白界線前將波撈出，可惜暫時找不到。不過也不要緊，能夠網上欣賞已經滿足，還有林尚義評述。




英格蘭足球傳奇門將班克斯逝世：那個擋住球王貝利的人