行李小插曲

　　如果行李在運送過程中損壞，旅遊保險或航空公司都會負責賠償，行李篋一般提供修理，至於撞凹而無損壞有無得賠唔多清楚，我們亦不想影響行程與心情，一於繼續上路。
　　話說在赤鱲角機場辦理登機手續時，大鄉里將行李放上過磅，國泰地勤小姐等了一等然後問：「得一件行李？」「係，得一件。」
　　兩個人去米蘭只得一件行李？個篋還只得廿六吋？有無咁少行李呢？另外隨身行李內裝了一件薄褸個人物品和一樽水，現時連書都暫時唔帶上機，因為太黑睇唔到，飛日機勉強可睇幾頁。
　　一個篋確是有些孤獨，何況墨綠色，加一條黃色行李帶只為容易相認。取行李時見別人個個都係大篋，我們也是近年才真正學會輕鬆上路，連單鏡相機也不帶，改為用心欣賞，至於衣服，真是不夠的話可以在當地購買，並不是有餘錢花費，而是可融入當地。