佛系搭𨋢

　　遲了一點出門返工，來到地鐵站門口搭電梯上巴士站，這時人不太多，電梯就停在地下，於是按掣，電梯門立刻打開，原來內裏已有三個人，一臉錯愕，其中兩個人立刻抬頭望顯示屏，另一個人自言自語：「點解部𨋢無上到去？唔通無㩒掣？」

　　睇嚟都係。

　　有兩個人站在按鈕旁，這時才懂得㩒個「B3」掣兼立刻㩒個關門掣，都唔理有其他人入緊嚟。

　　特區香港人回復原來心態，早於二十一二年前開始出現反芻或返祖現象，回復做回一個堂堂正正的中国人。以搭電梯為例，候電梯唔多排隊已唔係一件出奇事，第一個入電梯亦忘記了㩒住個開門掣，只懂按了自己要去的樓層便算，然後像一碌柱站在一旁。又或扮忙，入電梯後按了幾樓，之後立刻繼續睇住個智能電話，其他事一概不理。

　　上次沙士好多人已經唔記得，今次武漢肺炎肆虐了超過一年，每見部分人入電梯後，都覺那塊按鈕板像染了毒一樣，充滿了病菌，不是不願站近就是以鑰匙或硬物甚至最新產品㩒𨋢筆㩒掣，另外還見很多人手執一張紙巾廁紙或廢紙隔著手指㩒掣，完全忘記了父母的教導，每次出街後食飯前必須洗手這回事，和現時已生產過剩的酒精搓手液，你們不是人手一支或多支嗎，咁怕𨋢掣有毒，㩒完搓搓手就得啦，咁驚做啥？

　　當電梯往下時，如果電梯已有一個人，那個人多數站在按鈕的對角，免得替別人按開門關門掣。懂得這想法，必然也是懂得計算。

　　還有一種人，可以稱得上為佛系高人，就是等別人來㩒掣，然後自己坐享其成。像剛才搭電梯時的現象，三個人中有兩個相識，個個都指望對方㩒掣或上面有人按往下掣，結果因為沒有人㩒掣電梯停著不動，要等到再有人搭電梯入內時才察覺沒有㩒掣，真係高人。

　　如果一直都無人上落，而電梯又一直停留，他們究竟會不會渾然不覺而等足五分鐘十分鐘？

　　真係一個謎。