早餐

　　如果在飛機上睡得著，時間過得很快，睡不著的話，只有胡思亂想，希望座位能舒適一點，沒有旁人打擾。

　　近年很奇怪，唔知聽邊個人講，話坐長途機要做運動，結果這幾年每次都見幾個人站在通道上行來行去，有時甚至舒展兼拉筋，烏燈黑火時幾乎畀佢嚇死，站在洗手間旁又唔係去，次次都要問一次，的確有些煩。

　　所謂做運動係咪一定要拉筋行來行去唔清楚，去洗手間時順便走動已經可以，或口乾攞杯水，坐在位上也可伸展，無必要四圍行，況且經濟艙的行廊已經唔係闊落。

　　唯一想到的理由，就是這位乘客坐在窗口位，出入要經過兩位乘客，唔多好意思成日要人讓，於是只能留在近廁所的位置，但十多個小時咁長，點過才好呢？

　　諗諗吓燈光又再亮起，已到供應早餐時間，除了傳統的西式早餐，這次還有薑䓤魚片粥，可算特別。記得有一次乘卡達航空，同樣有粥可選擇，試過味道不錯，於是今次再試。

　　粥的質地尚可，唔知點解要落咁多薑䓤，幸好味道好過特區香港的粥鋪，起碼無味精。

　　特別飲多杯咖啡，提起精神，回憶旅行時的美好時光。