衰老

　　網上有一張「提早衰老計分表」，以為世界標準，再睇清楚只適合特區香港，看來這裏的人最怕老，而且問題為唔識老又唔認老唔甘心做廢老的人而設。

　　首先講首五項，無表情行路慢好怕熱更怕凍唔想運動，至第七項好怕陽光曬，這些都是特區香港人所獨有，熱會話熱凍又話凍，出太陽話曬落雨話麻煩，究竟與衰老有何關係？

　　最重要一項第十九，鍾意搭巴士唔迫地鐵，怪不得個個人都話自己喜歡搭地鐵，原來皆因怕畀人話衰老。

　　當然對於這些網上流傳的計分表毋須太認真，稍有常識都知毫無根據，只適合一些懶人。

　　身體衰老因為年齡，身心俱老則是另一回事。

　　為何沒有人問何以我們會身心俱老？