變咗城巴

　　路過交易廣場等巴士返屋企，剛巧見三架停在一起，其中一架係由新巴變做城巴。

　　70原本由香港仔至中環，南區地鐵開通後，少了從鴨脷洲過來的乘客，於是延長至華貴邨。而原本由石排灣晨早開出的70P亦改為全日服務，把76的總站由石排灣改去黃竹坑。

　　其實頗莫名其妙，70延長無大影響，多了70P亦不見得多了乘客，反而76少了由石排灣至香港仔至黃竹坑的原有乘客。

　　97近乎放棄，90也好不了多少。雖然直接與地鐵競爭，但地鐵必須在金鐘轉車，有沒有能力爭一日之長短，要看決心與調動，舉手投降式放棄又怎會有轉機呢？

　　三架排在一起，兼全部都係富豪B9L配Wright車身，既有W亦有V。而中間的97，真正由一架新巴變做了一架城巴。